07 Vestur gjørt avtalu við Sølva Egilson

Í dag hava 07 Vestur og Sølvi Egilson úr Sandavági gjørt avtalu, ið knýtir unga sandavágsmannin at felagnum komandi tvey árini. 07 Vestur fegnast um samstarvið, bæði komandi og tað, ið farið er!

Bert 16 ára gamli Sølvi Egilson er fótbóltsliga uppvaksin Valloyruni í Sandavági, og heilt tl hann fluttu uppí dreingjadeildina, við Silva sum venjara. Í dreingjadeildini í fjør var hann við at spæla felagsliðið MB/07 Vestur í steypafinaluna, og í ár, sum annaðársdreingjaleikari, var hann við at spæla unglingarnar í steypafinaluna.

Sølvi fekk eisini sín frumdyst í Vodafone, tá hann kom inn í øðrum hálvleiki móti ÍF í Fuglafirði seinasta umfarið. Og, umframt á fast pláss á unglingaliðinum, hevur Sølvi spælt hvønn dyst í dreingjadeildini og fleiri dystir í 1. deild.

Sølvi er rættiliga fleksibul á vøllinum, har hann hevur spælt bæði á bakk-plássi og á øllum plássum á miðjuni. Hann hevur gott eyga fyri tí avgerðandi avleveringini, og trívíst eisini best á frammrættaðum miðvølli.

07 Vestur ynskir enn eina ferð Sølva tillukku við avtaluni, og gleða okkum at síggja hann framhaldandi menna seg í 07 Vestur búnanum!

Tíðindasavn rss