Gamal kenningur vitjar aftur.

Neyvan finnist mannsbarn í Føroyum, ið ikki kennist við navnið Piotr Krakowski.

Piotr, er føddur 15. mars 1957, í Poznan í Póllandi. Fyrstuferð við hoyrdu um Piotr Krakowski, var longu áðrenn múrurin fall, fyrst í Berlin, sum er góðar 100 km. eystan fyri Poznan. Hetta var í 1989, tá 32 ára gamli pólendingurin komin hendan vegin at leika við B71. Sigast má, at hann fekk góða byrjan, tá hann, saman við nýuppfluttu B71, tók øll av bóli og vann FM, tað árið.

Piotr helt fram at spæla, og seinni eisini at venja, hjá B71, áðrenn hann, í 1997, kom vestur um Vágafjørð og gjørdist leikandi venjari hjá FS Vágum. Árini 1998/ 2007 var Piotr hjá ávikavist ÍF, B36 og EB/ Steymi. Piotr leikti sín seinasta skrásetta dyst, fyri B36, tann 26. august 2000. Síðani tá hevur hann virkað sum venjari burturav. Besta úrslitið sum venjari, var tá Piotr og B36, í 2001, vunnu FM.

Í 2008 gjørdist Piotr fyrsti venjarin hjá nýstovnaða 07 Vestur. Og longu fyrsta árið í nýggja felagnum, eydnaðist at vinna næstbestu deildina og sætið í fremstu. Men eins væl og tað gekk fyrsta árið, eins illa gekk tað árið eftir, tá 07 Vestur og Piotr fluttu niðuraftur í 1. deild. Tá endaði samstarvið eisini. Men eftir tvey ár á Sandoynni, heldur yrkisleiðin hjá fryntliga póllendinginum, nú fram í Vágum, hjá 07 Vestur. Fyribils er talan um sáttmála fyri kappingarárið 2012, men hvør veit hvat ið framtíðin fer at bjóða?

Vit bjóða Piotr vælkomnum aftur.

Tíðindasavn rss