Gomul mynd

Kvinnurnar máttu lúta í oddabrakinum á Sandi

Tað varð lagt upp til ein sannan toppdyst, tá 07 Vestur kvinnurnar skuldu suður til Sands at leika móti AB/B71. Liðini løgu ávikavíst nummar 1 og 2.

Sum toppdystir flest, so byrjaði dysturin varliga. Bæði liðini høvdu ringt við at koma fram til málmøguleikar. Bólturin ferðaðist tí nógv aftur og fram á miðjum vølli. Sum dysturin leið, so funnu kvinnurnar betur og betur hvønn annan.Hóast onkur heilt stórur málmøguleiki var áðrenn hálvleik, so stóð 0-0 í hálvleikinum.

Seinni hálvleikur byrjaði, eins og tann fyrri, við rótutum spæli. Hvørki av liðunum kláraði veruliga at spæla seg fram, men heldur vóru tað einstaklinga atsóknir, har, liðini fingu nakað burturúr. Tað gekk tó ikki long tíð, so hevði heimaliðið lagt seg framum. Seks minuttir seinni lá bólturin aftur í okkara málið. Nú var eitt korter farið, og hevði heimaliðið lagt seg framum við tveimum, nærmast burturúr ongum. 

Eftir hetta spældi heimaliðið væl og vit runnu nógv aftaná bóltinum. Tað var tí løgið, at vit hesa tíðina skaptu fleiri stórar kjansir. Heilar tríggjar ferðir komu vit einsamallar móti málmanninum, men inn vildi bólturin ikki. 

Síðstu tíðina av dystinum komu nógv mál. Fyrst økti og avgjørdi AB/B71 dystin til 3-0, tá fimm minuttir vóru eftir. Síðan komu tvey mál í yvirtíðini. Margit minkaði um munin, og áðrenn vit høvdu fingið armarnar niður aftur, skoraði heimaliðið til endaligu støðuna 4-1. 

Eftir tapið verður tað trupult at enda á 1 plássinum, men komandi sunnudag skulu tær spæla móti Víkingi, sum liggur á 3 plássinum, í Sørvági. Hetta verður ein týðandi dystur, um hvør rýkur við 2 plássinum.

Liðið: Sesilia Prior (M), Katrina Davidsen, Margit M. Kwao, Paula Jensen, Barbara Prior, Mona Sunnuvudóttir Poulsen, Sesilia Olsen, Julia Niclasen, Arnóra Ingadóttir Á Løgmansbø, Ruth Thomasen, Kristina Nattestad, Eyðvør Tórbjørnsdóttir Poulsen, Bettieyð Ellingsgaard





Komandi dystir 

1. deild menn
22. sep. 07 Vestur - AB

1. deild kvinnur
20. sep. TB/FCS/Royn - 07 Vestur


Menn 1. deild

Lið D +/- Stig
Víkingur II 19 28 44
NSÍ II 19 24 38
B68 19 14 31
07 Vestur 19 7 30
HB II 19 -1 30
B36 II 19 -8 24
B71 19 2 23
KÍ II 19 -12 23
AB II 19 -18 12
FC Hoyvík 19 -36 10

Málskjúttar

Predrag Jeremic 6
Tór-Ingar Akselsen 6
Dann Fróðason 3
Gilli Samuelsen 3
Martin Tausen 3
Jógvan Petersen 2
Ragnar Weihe 2
Teitur Olsen 2
Eiler Fróðason 1
Jóannis á Steig 1
Karl Weihe 1
Solomon Kwao 1
sjálvmál 1

 
 

Kv. 1. deild

Lið D +/- Stig
AB/B71 9 35 21
07 Vestur 10 12 19
ÍF/Víkingur/B68 8 1 16
HB 8 2 15
TB/FCS/Royn 8 -12 7
AB 9 -10 6
8 -28 4

Málskjúttar

Margit M. Kwao 6
Julia Niclasen 4
Sissal Haraldsen 4
Sesilia Olsen 3
Kristina D. Gásdal 2
Marita E. Thorsvig 2
Ruth Albinsdóttir 2
Eyðvør T. Poulsen 1
Hanna Thomassen 1
Helma Thomasen 1
Kristina Nattestad 1
Mona S. Poulsen 1
Sjálvmál 1