Føroyska U21 landsliðið leikti seinasta dystin í hesum undanumfarinum í Moldova. Dysturin endaði við at Moldova vann dystin 1-0. Moldova fekk málið eftir hornaspark í 80. minutti.

Úr Moldova frættist, at tað var lítil og ongin munur á liðunum, og átti tey hvør sín hálvleik. Føroyska U21 landsliðið leikti sera væl í fyrra hálvleiki, og fingu teir fleiri 100% málmøguleikar. Í hitanum í Moldova fór føroyska liðið fysiskt nakað niður í seinna hálvleiki, og stýrdi Moldova tí dystinum, tó uttan at føroyingarnar fullu í fátt. 

Føroysku leikararnir eru skuffaðir at teir taptu dystin, men kunnu tó verða nøgdir við at hava spælt ein góðan dyst.

Føroyska U21 landsliðið fekk sostatt 11 stig í hesum undanumfarinum, har teir m.a. vunnu á Russlandi og Lettlandi. Helvtin av hópinum sum var við í Moldova í dag, hevur møguleika at spæla í næstu undankapping fyri U21 lið.