Upptakt: 07 Vestur - EB-Streymur

Eftir sigurn í Djúpumýru er aftur ein "finala", hesu ferð á okkara egna Dungasandið ímóti sundalagsmonnum. Vit liggja nú á øðrum plássið eftir 19 umfør. KÍ hevur eitt stig meir enn vit eftir 20 umfør. TB fingu bert javnleik í gjár, og liggja tí undir liðini á okkum við sama stigatalið fyri 21 dystir.

Dystirnir ímóti EB-Streymi í ár hava verið ójavnir fyri okkara viðkomandi. Fyrri dysturin, á heimavølli, endaði 4-0, Holgar byrjaði og endaði málveitsluna, Jovan og Jens Erik har ímillum. Seinni dysturin, fyri bert einum mánaði síðan, endaði 3-3, og kann gott gerast okkum dýrur, tá alt er liðugt, um vit standa og mangla tvey stig. Jóhan Ejvind, tvey, og Tór-Ingar skutu okkara mál tann dagin.

EB-Streymur hava verið sera óstøðugir í ár, og liggja eisini á 5. plássi eftir 19 umfør við 32 stigum. Einasta stórtapið er áðurnevnda 4-0 tapið ímóti okkum, men teir hava sanniliga duga at givið nakrar avsmurningar frá sær: 6-0 ímóti AB og 7-1 ímóti Víkingi. Eftir 3-3 dystin ímóti okkum, hava teir eisini hála tríggjar sigrar í land, móti Víkingi, AB og FC Hoyvík, við málúrtøkuni 12-2!

Toppskorari er Arnar Dam við 9 málum eftir 19 dystum. Teitur Joensen hevur 6 mál eftir 15 dystir. Góðir stuðlar á liðnum, tá ikki eydnast at sleppa á Vodafone-liðið, hava verið Tróndur Vatnhamar, 7 dystir, Bjarni Jørgensen, 6 dystir/4 mál, og Brian Olsen, 3 dystir/3 mál.

Einki er at ivast í, at sundalagsmenn væl kunnu spæla upp til eitthvørt 1. deildarlið, og serliga um teir kunnu lána onkran Vodafone-leikara nú, tá Vodafone deildin hevur frí-vikuskifti.

Hóast hetta, eiga vit ikki at óttast nakað lið, serliga um vit skulu kallast Vodafone-lið næsta ár. Vit hava eina góða stammu av ungum og royndum leikarum, umframt báðar toppskorararnar í 1. deild, Jovan (13) og Jóhan Ejvind (11 - herav 6 fyri HB).

Við áskoðarunum í rygginum og vóna vit tí at vit kunnu bæsa EB-Streymi. Stuðlið okkara monnum!

Koyrið á 07 Vestur

Tíðindasavn rss